الأربعاء، ٣٠ يناير، ٢٠١٩ – الساعة ٢:١٥ ظهراً

Jaz Belevedere Resort

خلصت أكل ورحت أنا وأختي ناخد الdessert. أخترت من الdessert كيك الفراولة اللي بحبه واكلير بحشو الكريمة اللي اقترحته عليا ماما.

أخدنا الأطباق ورحت أنا وأختي نأكل الdessert برة الrestaurant في الverandah المطلة على البحر. منظر رائع والجو جميل. شوية وجالنا بابا وماما قعدوا معانا، وأنا في غاية السرور.

خلصت أكل الdessert وسبنا بابا وماما يقعدوا مع بعض شوية ورحت أنا وأختي نتمشى على الbeach. شفت الWater Sports Center فروحت أسأل على الحاجات اللي بيقدموها.

العامل: أهلاً وسهلاً، معاك حاتم، مسؤول الwater sports

أنا (معرفاً بنفسي): عمرو

أ. حاتم: حضرتك مهتم بالwater sports؟

أنا: أيوه

أ. حاتم: إحنا بنقدم حاجات كتير، دا brochure بالحاجات اللي بنقدمها وهشرح لحضرتك كل حاجة مع السعر بتاعها.

أولاً عندنا الحاجات البسيطة زي الPadal و الBanana Boat والTube، الbanana boat هحسبهولك الثلاث أفراد ب٣٥٠ جنيه، والTube ب٣٠٠ الثلاث أفراد،

بعد كدة عندنا حاجات فيها actitivity شوية زي الBoard Surfing والWind Surfing والKite Surfing. ودي أسعارها أعلى شوية.

أنا: الWind Surfing بكام؟

أ. حاتم: الWind Surfing هحسبهولك ب٤٠٠ جنيه الساعة

أنا: والKite Surfing؟

أ. حاتم: الKite Surfing لازم حضرتك تاخد course الأول، تكلفة الكورس 350$ وبيكون مدته ٦ ساعات على ٣ أيام.

أنا: تمام

أ. حاتم: بعد كدة عندنا الحاجات العائلية شوية، الParasailing والSubmarine والSpeed Boat. الParasailing هحسبهولك ب ٤٥٠ جنيه للفردين. أما الSubmarine فبتكون ب٤٠٠ جنيه للفرد، أخيراً الSpeed Boat بيكون الساعة ب١٠٠٠ جنيه والساعتين ب١٦٠٠ لحد ٨ أفراد.

أنا: تمام

أ. حاتم: وشوف حضرتك وأنا تحت أمرك في الأسعار يعني ممكن نظبطها شوية بس تقولي حضرتك عايز إيه

أنا: تمام، أنا هاخد الbrochure وهكلم الناس اللي معايا عن الحاجات دي وإن شاء الله هرجع لحضرتك تاني.

أ. حاتم: تمام، منتظرك، وشرفتنا يا أفندم
أنا: شكراً ليك

رجعت لأختي نتمشى نتفرج على الناس اللي بتعمل kite surfing، بعدها لقينا أحمد أخويا ومراته جايين ومعاهم علي إبنهم الصغير اللي عنده ٣ سنوات ملبسينه المايوه عشان يلاعبوه على الbeach، بعدها بشوية لقينا بابا وماما جايين، واجتمعنا كلنا اتكلمنا شوية..

أنا: إيه رأيكم في الresort؟

ماما: جميل يا عمورة أختيارك ممتاز

بابا: مكان جميل اوي شكراً يا عمور

أنا: شكراً أنت يا بابا كتر خيرك

أختي: عايزين نستغل الوقت كويس، ماننامش كتير، ها

ماما: ماشي ماشي أنا معاكوا

بعدها راحت أختي مع بابا يجيبوا حاجة من العربية ورحت أنا وماما نتمشى. الجو رائع كأنه الربيع، أفضل من جو شتاء القاهرة البارد بكتير. رفعت رأسي أتأمل السماء الصافية، جميلة الحياة هكذا في منتجع فيه بحر ونخل وجو جميل.

وإحنا ماشيين عدينا على الBeach Bar فروحت أسأل عن الحاجات اللي بيقدموها.

أنا: السلام عليك

الbartender: وعليكم السلام، أهلاً بحضراتكم

أنا: بتقدموا drinks إيه؟

الbartender: كل حاجة يا أفندم، مية، soft drinks، cocktails،

أنا: إيه الcocktails اللي عندكم؟

الbartender: في cocktails سوفت وفي alcoholic، دي الmenu

نظرت في المينيو أطالعها. قرأت أسماء الكوكتيلز الsoft:

• Sea Breeze

• Coral Reef

• Red Sea Sunrise

• Sweetheart

• Cinderella

• Bedouin Madness

ثم راودني الفضول لأعرف أسماء الكوكتيلز الكحولية فقرأتها:

• Caribbean

• Happy Heart

• Romance on the Beach

• Surfer’s Woods Magic

عجبني أسم Happy Heart، يوافق حالتي النفسية، سألت عامل البار عنه..

أنا: الcocktails الalcoholic، ممكن تتعمل بدون الalcohol؟

الbartender: أكيد يا أفندم، حضرتك عايز أنهي؟

أنا: Happy Heart، وواحد Sea Breeze

أعد الbartender الcoctail، أخدته منه وشكرته واتمشيت أنا وماما على الbeach نشربه في راحة نفسية كبيرة. قلت لماما..

أنا: شايفة يا ماما الهضبة اللي هناك دي، دي جزيرة تيران

ماما: جميلة شكلها جميل مع البحر

سكتنا شوية وبعدين قالتلي..

ماما: مبسوط يا عمور؟

أنا: الحمد لله

ماما: شوف البنات هنا حلوة هشوفلك منهم عروسة

أبتسمت لها

أتمشينا شوية نتفرج على أخويا ومراته وهما بيلاعبوا إبنهم في البحر وبعدين مشينا. طلعنا على الأوضة لقينا بابا وأختي مستنينا، دخلت أنا وأختي أوضتنا وماما وبابا دخلوا أوضتهم.

سبت الدولاب لأختي تحط فيه حاجتها، فهي أختي الكبيرة وهي بنت بالمقام الأول. حطيت شنطتي في الliving وفتحتها وغيرت هدومي، واتوضيت ورحت صليت مع بابا الظهر والعصر جمع وقصر.

بعد الصلاة قعدت مع بابا نفكر هنرتب الactivities بتاعة السفرية ازاي. حكيتله عن الwater activities الموجودة نشوف ايه الحاجات المناسبة نعملها كلنا مع بعض. قلتله عالparasailing فقالي لأ، دي خطر، ضحكت، لكني اتفقت معاه، بعض العلماء بيحرموا الرياضات الخطرة، والadrenaline sports خصوصاً.

أقترح عليا الsubmarine بس قلتله مش عايزها عشان ركبناها كتير قبل كدة. لقيت مع الbrochure اللي أ. حاتم اداهالي بروشور تانية عن الYacht Trip، لكن معليهوش سعر، أ. حاتم نسي يكلمنا عنه. قررت أتصل بيه أسأله نظامها إيه.

طلعت الموبايل واتصلت..

أ. حاتم: السلام عليكم

أنا: وعليكم السلام أ. حاتم، أنا عمرو اللي كنت مع حضرتك عالbeach من ساعة كدة.

أ. حاتم: أهلاً، أهلاً، أ. عمرو

أنا: كنت عايز أسأل حضرتك عن الYacht Trip

أ. حاتم: تحت أمرك، نظام اليخت يا أفندم، عندنا يخت اسمه Royal Diving 1. الرحلة بتبدأ الساعة ٨ صباحاً بتيجي عربية تاخد حضرتك من الresort بيوديك لليخت في المارينا. المركب بتقف ٣ وقفات في ٣ locations، بتعملوا snorkeling وبتتفرج على الشعب المرجانية والأسماك، وبيكون معاك مدرب غطس لو محتاج تعمل diving. الغداء بيكون على الساعة ١:٣٠، بتاخدوا الغداء وأنتوا بتلفوا حوالين جزيرة تيران. وبتتفرج على حطام السفينة الغارقة، ولو حد عايز يعمل غطس هناك بيكون بتكلفة إضافية ١٠٠ جنيه للغطسة، وبتلف في البحر بنروح منطقة الدولفن لو موجودين بنتفرج عليه بتكون لطيفة خصوصاً لو معاك أطفال، وبتتفرج على الغروب وإحنا راجعين على الساعة ٥ يدوب بيكون المغرب هيأذن. الغداء بيكون buffet وفي free drinks شاي وقهوة ومشروبات باردة طول الرحلة.

أنا: ممتاز، دي تكلفتها إيه؟

أ. حاتم: أنتم كام فرد؟

أنا: ٦ أفراد وطفل

أ. حاتم: إحنا عندنا الرحلة ب٣٠٠ جنيه للفرد، هحسبهالك ب٢٥٠ وهحسبلك الطفل مجاناً

أنا: طيب تمام. بخصوص الwindsurfing مواعيده إيه؟

أ. حاتم: أي وقت يا أفندم لحد الغروب

أنا: تمام يا أ. حاتم، متشكر جداً

أ. حاتم: عفواً يا أفندم تحت أمرك، وأنا هتصل بحضرتك بكرة برضه أتابع مع حضرتك

أنا: بإذن الله

أ. حاتم: ماشي يا أفندم

أنا: ماشي، السلام عليكم

أ. حاتم: وعليكم السلام ورحمة الله وبركاته

قفلت معاه الخط واتكلمت مع بابا أحكليه على offer الyacht trip. عجبه جداً وقالي نقترح على ماما وأخواتك نطلعه.

شوية ولقيت الroom service بيخبط جايبينلنا طبق welcome fruits. أخذته منه وشكرته. بعدها قعدت أتفرج عالtelevision.

وأنا بقلب في القنوات لقيت فيلم الكارتون Wall-E شغال على MBC 2، فيلم حلو وهادف جداً، قررت أتفرج عليه.

كان الفيلم في الحتة اللي فيها Eva بتروح مركز الصيانة وWall-E بيخاف عليها وبيروح ينقذها فبالخطأ بيهرب كل الrobots المجانين. حتة كوميدية اوي، قعدت أضحك.

بعدها جت الحتة اللي فيها Wall-E وEva بيطيروا في الفضاء مع بعض في مشهد رومانسي لطيف جداً. افتكرت البنت اللي كنت بحبها، كانت شخصيتها شبيهة جداً بشخصية Eva، لكنها خلاص اتجوزت وزمانها بقت أم. فكرت في نفسي، هل ممكن أحب تاني بعد التجربة اللي مريت بيها؟ هل هلاقي بنت زيها وفيها من مميزاتها وإيجابياتها اللي خلتني أحبها؟ هل الحب الحقيقي ممكن يجي بعده حب تاني؟ ولا الحب الحقيقي بيكون مرة واحدة فقط في العمر؟ أنا عارف أن انطوائيتي هيا السبب في أني بتمسك بعلاقاتي العاطفية، لكن إزاي أتغلب على كدة؟ مش عارف، ومش عارف مين ممكن يكون عنده إجابة أسئلتي دي، لكني شفت حاجة إيجابية في أني مبقتش أحب، أني في حرية أكتر وغير مقيد، وقلبي مرتاح من هم وقلق الحب. قررت أتناسى موضوع الجواز و الفراغ العاطفي، وأستمتع بالمكان واللحظات الجميلة اللي أنا فيها.

خلص فيلم Wall-E وقَعَدت أقلب في القنوات أتفرج على حاجات مختلفة.