الأربعاء، ٣٠ يناير، ٢٠١٩ – الساعة ١:٣٠ ظهراً

شرم الشيخ

وصلنا Jaz Belvedere Resort.

ركنا أمام الباب وجه الbellman ينزل الشنط. بعدها رجعنا الparking ركنا ونزلنا.

اتجهت إلى مدخل الhotel مبتسماً للsecurity الذي حياني. دخلت الlobby متجهاً إلى الreception. بمجرد ما بصيت شمالي شفت منظر البحر باين من الreception، منظر أعجبني جداً.

Belvedere هي كلمة من أصل إيطالي، معناها بالعربي: مكان مطل على منظر رائع.

أستقبلني الreceptionist بحفاوة كبيرة وكان في غاية الإحترام. سعدت بذلك. اداني ٦ forms نملاها لكل واحد فينا form. بدأنا أنا وأخويا نملاها ببياناتنا.

وإحنا بنملى الforms جابولنا welcome drink، كان coctail فيه pineapple لكن معرفش اسمه إيه. وأنا بحب الpineapple جداً، اتبسط بكدة، بداية جميلة.

خلصنا ملئ الforms وسلمتها. فاجئني الreceptionist أنهم عملولنا upgrade للأوضة من Garden View لSea View بدون تكلفة إضافية. شكرتهم جداً وسعدت كثيراً.

أخدنا مفاتيح الأوض وانطلقنا. لاحظت أن cover مفتاح الأوضة مكتوب عليه: The Key To Your Serenity، معناها: مفتاح راحتك النفسية، وطبعاً يقصدوا بيه أن المفتاح دا هيدخلك الأوضة اللي هتلاقي فيها راحتك النفسية. عجبني جداً الbranding دا.

أخدنا الbellman في جولة في الresort يعرفنا على المطاعم ونظام الall-inclusive.

الbellman: أهلاً بحضرتك في Jaz Belvedere Resort..

إحنا دلوقتي في الlobby، وجنب الlobby في Mamluk Bar، دا الbar الأساسي في الresort وشغال ٢٤ ساعة بيقدم مشروبات ساخنة وباردة، وبالنسبة للall-inclusive guests زي حضرتك فهتقدر تاخد منه drinks for free في أي وقت.

خرجنا من باب الlobby إلى verandah واسعة مطلة على الpool ومن وراء الpool البحر. كان منظر رائعاً حقاً.

نزلنا من الverandah بسلالم إلى الpool.

الbellman: دا الpool بتاع الكبار، ووراه الناحية التانية الpool بتاع الأطفال، أظن أنكم معاكم طفل. جنب الpool هنا Rihanna Restaurant، دا المطعم الأساسي في الresort وفيه بيكون الفطار والغداء والعشاء open buffet وبرضه فيه نظام الall-inclusive مشروبات مع الأكل. الفطار بيكون من ٧ ل ١٠ صباحاً، والغداء من ١٢:٣٠ ل٢:٣٠ ظهراً، أما العشاء فمن ٦:٣٠ ل ٩ مساءاً.

جنب Rihanna Restaurant في Sakia Pool Bar، دا بار الsnacks، زي fries وburgers وsalads بين الفطار والغداء والعشاء. وبيقدم كمان ice cream من الصبح لحد المغرب. طبعاً كله free للall-inclusive guests.

أخيراً في bar ثالث على الbeach بيقدم soft drinks وcoctails من الفطار لحد غروب الشمس، برضه for free للall-inclusive guests..

لاحظت من الجولة أن الresort مبني على الطراز المصري الإسلامي القديم، وكذلك أسماء الrestaurants والbars مستوحى منه.

رحت أنا وأخويا مع الbellman عشان نعرف مكان الأوض، وراح الباقيين الrestaurant عشان يلحقوا الغداء.

مشينا مع الbellman حوالي دقيقتين ووصلنا الأوض.

دخلت الأوضة وأنا بفكر بيني وبين نفسي، الأوضة أصلاً أنا حاجزها Superior وDeluxe، ودلوقتي بقت Sea  View كمان..

فاجأني منظر البحر من الbalcony منظر رائع، وشايف جزيرة تيران من الأوضة..

I never expected so great view.

Too much luxury for me.

افتكرت ساعتها قول الله تعالى: .. وَنَبْلُوكُم بِالشَّرِّ وَالْخَيْرِ فِتْنَةً.. – الأنبياء: ٣٥

يعني ربنا ابتلاءاته مبتكونش فقط بالشر والمصائب، وإنما في نوع مختلف من الابتلاء، وهو الابتلاء بالخير وفتنة السراء.

قال تعالى:

إِنَّا جَعَلْنَا مَا عَلَى الأَرْضِ زِينَةً لَّهَا لِنَبْلُوَهُمْ أَيُّهُمْ أَحْسَنُ عَمَلا ، وَإِنَّا لَجَاعِلُونَ مَا عَلَيْهَا صَعِيدًا جُرُزًا – الكهف: ٧-٨

وأنا دلوقتي في فتنة السراء، ولو شكرت ربنا هنجح في الاختبار ودا يقربني للجنة. تذكرت الكلمة اللي كانت مكتوبة على مفتاح الغرفة: The Key To Your Serinity، مفتاح راحتك النفسية.. والحقيقة أن عدم الإفتتان بفتنة السراء دلوقتي هو الkey to my serinity الحقيقية، الجنة..

الbellman حطلنا الشنط وشكرناه، بعدها قفلنا الأوض ورحنا الrestaurant.

دخلت الrestaurant أدور على ماما، لقيتها. رحت عرفتها أني جيت، بعدها رحت أحط الأكل.

لفت أنتباهي البنات الأجانب اللي شكلهم ملفت، أفتكرت فتنة السراء وأن غض البصر دلوقتي هو الkey to my serinity..

بدأت أختار الأكل. في الrestaurant طبيعي كان نظام الأكل open buffet، ومعروف أن في الopen buffet للأسف الناس بتحط أكل بزيادة جداً ومبتاكلهوش، وطبعاً معروف أن الأكل اللي بيتبقى بيترمي علطول ومبيروحش للفقراء حتى. افتكرت فتنة السراء وأن الشكر هو الkey to my serinity، فقررت أني مسرفش في الأكل وأني محطش أكل كتير عشان ميتبقاش ويترمي.

حطيت الأكل، مكانش في varieties كتير، وكنت عارف كدة من الreviews اللي على Booking.com، لكن طعمه كان مميز جداً ومطبوخ بامتياز. أغلب الأصناف كانت المعتادة، لكن اللي لفت انتباهي الPumpkin Soup، شوربة مميزة، أخدت منها.

أخدت طبقي ورحت قعدت على الترابيزة آكل في هدوء، وبعد ما خلصت أكل شكرت ربنا وقلت زي ما كان النبي صلى الله عليه وسلم ما كان ما بيقول: الحمد لله الذي أطعمنا وسقانا وجعلنا مسلمين.

يا رب يكون شكري دا سبب في نجاحي في فتنة السراء، ويكون نجاحي دا هو فعلاً الkey to my serenity.