وصلت Porto Marina فركنت ونزلت اتمشى أسترجع ذكرياتي بالمكان.

المكان لم يكن مزدحماً ولم يكن فارغاً. زمان قبل ما بورتو مارينا ما يبقى بورتو مارينا كان اسمه المرسى، وكان مساحة فاضية خالص بيجيها الشباب بعربياتهم يسهروا فيها، وأنا كنت باجي مع أخويا مع صاحبنا ناكل فطير ونلعب كوتشينة.

دخلت Johnny Carino’s فاستقبلني عامل المطعم وسألني إذا عايز أقعد جوه ولا على swing table على الport، فاخترت الswing table اللي على view الميناء اللي بحبه.

مشيت مع العامل بأتجاه الswing tables، ولأن المكان مش زحمة قدرت أختار واحدة في مكان مميز. اداني العامل المنيو وأستأذن، وجلست اتصفحها.

الموسيقى الهادئة ومنظر الport مع البحر فكروني بالبنت اللي بحبها. أفتكرت حيرتي في إذا ما كنت أصارحها بحبي ليها ولا الوقت لسة مش مناسب، وإذا ما شخصيتي الانطوائية هتتحمل أن يكون ليا شريكة حياة تعيش معايا كل تفاصيل حياتي.

أنا عارف أن انطوائيتي دي مش صح. ورغم أن سبب رئيسي حالياً في انطوائيتي هو التزامي الديني ورغبتي في اعتزال الناس والبعد عن الفتن إلا أن ربنا نبه علينا في القرآن في سورة البقرة على أهمية التوازن؛ قال تعالى: وَكَذَلِكَ جَعَلْنَاكُمْ أُمَّةً وَسَطًا. كمان دا كان رأي النبي صلى الله عليه وسلم لما حنظلة رضي الله عنه سأله عن ذكر الدنيا والآخرة، قال له النبي صلى الله عليه وسلم: يا حنظلة ساعة وساعة.. ومدام ربنا اللي نزل الإسلام هو اللي خلق النفس البشرية يبقى المسلم المثالي شخصيته النفسية مينفعش تكون انطوائية ولا انفتاحية، وإنما تكون متزنة، معتدلة‬.. ambivert مش introvert.

وأنا الحقيقة بحب البنت دي أوي، لكني متردد جداً أقولها. Bryan Adams ليه جملة مشهورة في أغنية من أغانيه بتقول: Ain’t there use in complaining when you’ve got a job to do، عشان كدة أنا مش هقعد أشتكي لنفسي.. وإنما هستمتع بالجو الجميل هنا ولما أرجع القاهرة هتشتغل على مشكلتي مع الintroversion.

اخترت طبق Rosemary Chicken اللي بحبه. شاورت للwaiter فجه وطلبت منه الplate مع diet coke.

جلست منتظراً الطعام وأنا أستمتع بمنظر البحر واليخوت والشمس الرائعة.