السبت ٢ فبراير، ٢٠١٩ – الساعة ٩:٠٠ صباحاً

يستيقظ عمرو من النوم، يذهب إلى الحمام ويغسل وجهه وأسنانه ثم يخرج ليعد حقيبة السفر، فاليوم تنتهي الرحلة.

يشعر أنه متعباً فيعد فنجان قهوة من الmini-bar، فقد كان مستيقظاً طوال الليل يفكر في أميرة.

ينتهي من شرب الNescafe فيلبس عمرو الchemise الlight blue والchino الbeige.

ينتهي من تسريح شعره ثم يخرج حقيبته وحقيبة أخته إلى أمام باب الغرفة، ثم يتصل بالreception ويطلب إرسال الbellman ليأخذ الحقائب. بعدها ينزل إلى الlobby متجهاً إلى الreception عشان يعمل الcheck out، لكنه يفاجئ بأميرة في الlobby أمام الreception.

أميرة (في توتر): أزيك يا عمرو

عمرو: أميرة، أزيك

أميرة: أختك قالتلي أنك مستنيني هنا وعايز تقولي حاجة مهمة جداً قبل ما تسافر

عمرو: هيا قالتلك كدة؟

أميرة: أيوه

يفكر عمرو قليلاً ويتذكر كيف تأخر في مصارحة البنت التي كان يحبها حتى تزوجت، فيقرر أن يصارح أميرة في كل شيء بوضوح..

عمرو: فعلاً. أنا كنت عايز أقولك حاجة مهمة.

أميرة (في أضطراب): اللي هيا؟

عمرو: طيب تعالي نطلع في مكان مفتوح..

يخرج عمرو وأميرة من الlobby إلى الخارج في الverandah المطلة على البحر، ويقفان جنباً إلى جنب ناطرين إليه.

عمرو: فاكرة قصة البنت اللي كنت بحبها واتجوزت؟

أميرة: أيوه، أنت حكتلي، وأختك برضه كلمتني عن الموضوع دا

عمرو: شوفي يا أميرة، أنا بقالي كذا سنة مش قادر ألاقي بنت تجذبني ليها، رغم أني أعرف بنات كتير كويسة جداً، إلا أني مكنتش لاقي فيهم بنت فيها مميزات البنت اللي كنت بحبها

أميرة: ايوه، الكلام ده قلتهولي قبل كدة

عمرو: صحيح. لكني لما جيت هنا وقابلتك، حسيت أني لأول مرة من سنين معجب ببنت تاني

تسكت أميرة وتستمع لما يقوله عمرو..

عمرو: أنتي عارفة أني أعرفك كويس من زمان، فمفيش حاجات كتير محتاج أعرفها عنك، إلا أني متأكد أننا مختلفين فكرياً جداً، وأننا على أختلافنا دا مستحيل نرتبط ببعض ويكون ارتباط ناجح.

أميرة: أنا فاهمة ده كويس، ورغم كدة بشاركك نفس مشاعر الإعجاب اللي ذكرتها، ويمكن أكتر كمان..

عمرو: الموضوع مش موضوع حجاب بس، الإلتزام بالنسبالي مفهوم أكبر من الحجاب بكتير، معرفش إذا كنتي هتقبلي بيه..

أميرة: أنا خايفة أوعدك ومقدرش

يسكت عمرو لثوان ثم يقول..

عمرو: ممكن نجرب؟

أميرة: ولو محصلش نصيب؟

عمرو: يبقى الجواز قسمة ونصيب

تفكر أميرة قليلاً ثم تقول..

أميرة: موافقة، لكن خلي بالك، أنا كمان هيكون ليا طلبات.. متفتكرش أن سلفيتك هيا الفهم الوحيد الصحيح للدين، في حاجات كتير ممكن أكون أعرفها وأنت متعرفهاش..

عمرو: مفهوم

أميرة: يبقى زي ما هسمعك أنت كمان تسمعني.

عمرو: اتفقنا..

يسلم عمرو على أميرة وتسلم عليه، ويتواعدان على اللقاء والحديث في خلافاتهما..

أما الكازارولة فتنجو من اللعنة السحرية ولا تتحول إلى كازارولة مجدداً، وذلك لأنها أكلت من تمر العجوة من المطبخ حين كان يعد عمرو الشوفان، يقول النبي صلى الله عليه وسلم:

من تصبَّحَ كلَّ يومٍ سبعَ تمَراتٍ عجوةً ، لم يضرَّه في ذلك اليومِ سمٌّ ولا سحرٌ .

  الراوي : سعد بن أبي وقاص | المحدث : البخاري | المصدر : صحيح البخاري | الصفحة أو الرقم: 5445 | خلاصة حكم المحدث : [صحيح]

النهاية